哥仔你好面善喎《仙巴:神灯与移动岛》


哥仔你好面善喎《仙巴:神灯与移动岛》

识得睇动画巨着一定睇吉卜力出品,就算大师宫崎骏金盘洗手,一有亲吉卜力新作消息,总係比其他动画睇高几线。偏偏近排有套《仙巴:神灯与移动岛》,望落好吉卜力,睇真都好吉卜力,由男女主角到吉祥物,甚至故事背景连奸人大叔都係好吉卜力,但偏偏套戏又真係唔关吉卜力事。哇~点解嘅?点解嘅?点解会咁嘅?

大路少年冒险桥

《仙巴:神灯与移动岛》呢套戏其实係日本动画公司拍嚟纪念成立40週年嘅三部曲之一,首部曲《仙巴:天姬与秘密岛》已经响今年7月上映咗,啱落画无耐,片商就即刻公布第二部曲详情,似乎係想keep住个人气。《仙巴》系列顾名思义係改编自经典故事《天方夜谭》,今次二部曲继续讲主角仙巴,同可以骑木马响天上飞嘅(你冇睇错,我冇写错,真係木马)女主莎娜,与及一班同伴找寻移动岛,仲有关于神灯嘅种种谜团。睇完段trailer,见到入面有巨人脚印,又有画风好唔中东嘅奇幻境、珍兽同埋堆不务正业、一睇就知係奸嘅阿叔,望落条桥都係N年前《天空之城》果条探险桥大路嘢,睇睇吓连粒飞行石都出埋,使唔使咁「致敬」呀?![adTag]

製作班底唔嘢少

其实件事会发展成咁当然係有理由,首先间日本动画公司同宫崎骏渊源几深,好似1978年(哗,原来去到37年前)嘅《高立的未来世界》就係宫大师首套导演嘅电视动画作品。而今次套《仙巴》三部曲嘅人设兼总作画监督,就係帮《龙猫》、《魔女宅急便》同《飞天红猪侠》等吉卜力经典电影做作画监督嘅佐藤好春。同样係佢帮呢间动画公司做人设,响2009年上映嘅第26套世界名作剧场系列《你好,安妮》,画风亦几类似吉卜力作品。就连编剧兼剧本统筹的川崎裕之,都啱啱先帮完大师嘅公子宫崎吾朗,主理佢嘅电视动画《绿林女儿罗妮娅》,所以套戏咁大阵吉卜力味,只可以话「是常识吧」。

哥仔你好面善喎《仙巴:神灯与移动岛》
◆ 本片係日本动画公司40週年纪念作。哥仔你好面善喎《仙巴:神灯与移动岛》
◆ 连《天空之城》粒飞行石都出埋,咩事先?!哥仔你好面善喎《仙巴:神灯与移动岛》
◆ 製作班底唔少人同吉卜力合作过。哥仔你好面善喎《仙巴:神灯与移动岛》
◆ 冒险片当然唔少得珍兽同幻境。哥仔你好面善喎《仙巴:神灯与移动岛》
◆ 奸角个样好似流流地咁。哥仔你好面善喎《仙巴:神灯与移动岛》
◆ 睇戏名都知会有神灯嫁啦!哥仔你好面善喎《仙巴:神灯与移动岛》
◆ 仙巴由《World Trigger》村中知声演。哥仔你好面善喎《仙巴:神灯与移动岛》
◆ 《仙巴》二部曲会响出年1月日本上画。哥仔你好面善喎《仙巴:神灯与移动岛》
◆ 嗱,係咪好吉卜力呀?

电影官网

上一篇:
下一篇: